Namangan davlat pedagogika institutida “Ijtimoiy muhit barqarorligi va talaba yoshlar o‘rtasida huquqbuzarlik hamda jinoyatchilikni oldini olish borasidagi muhim vazifalar” mavzusida profilaktik uchrashuv bo‘lib o‘tdi.

Uchrashuvni institutning Yoshlar masalalari va ma’naviy-ma’rifiy ishlar bo‘yicha birinchi prorektori A.Isoqboyev ochib berib, talaba-yoshlar o‘rtasida huquqiy ong va madaniyatni yuksaltirish, sog‘lom ijtimoiy muhitni shakllantirish borasida olib borilayotgan ishlar haqida ma’lumot berdi.

Tadbirda huquq-tartibot organlari vakillari, institut rahbariyati, mas’ul mutasaddilar hamda talabalar ishtirok etdi. Uchrashuv davomida yoshlar o‘rtasida huquqbuzarlikning oldini olish, jinoyatchilikka qarshi kurashish, shuningdek, huquqiy tarbiyani mustahkamlashga qaratilgan muhim chora-tadbirlar muhokama qilindi.

Mutaxassislar tomonidan talabalar uchun yuridik bilimlarni oshirish, huquqiy madaniyatni yuksaltirish hamda sog‘lom turmush tarziga amal qilishning ahamiyati haqida batafsil ma’lumot berildi.

❮ ❯